مشكلة لبنان والحل ؟

10/21/2019 - 11:47 AM

Alferdows Travel

 

كل الليل مبارح ما نمت وأنا فكّر بقصة قلقتني كتير، حسّيت رجعتلي الروح وكنت ميّت او مخدر صرلي عشرات السنين، أول مرة بحياتي بشعر إنّو عندي وطن، إنّو عندي مرجع، إنّو شعب وطني شعب واحد مش بيفرد على قولة زياد الرحباني، شعب أول مرة بتاريخو بيتحّد وبيكسر قيد الزعماء الطائفيين الي مستغبيينو.

صرلن من اول تأسيس لبنان وبحرضوه على خيو بالوطن وبخوفوه منو ليضلن راكبين ع ضهرو وعم يسرقوه ويسرقو أحلامو ومستقبلو ومستقبل اولادو، عم يمصو دمو من عشرات السنين ويكذبوا عليه بشعارات واهية من أجل يضلن حاكمينو، منهم الإقطاعي أبّاً عن جدّ ومنهم يلي إجا بدو يحارب الإقطاع ع دبابة وصار أقطع من الإقطاعي بعد ما وصل للحِكَم.

كذّب ع الناس الي لحقتو بشعارات كذابة وذلّ وباع حالو ليوصل للكرسي وبس وصل للكرسي باع كل المبادىء وصار معو مليارات جمّعها حتى من قبل ما يوصل ع الكرسي ووظف كل أهل بيتو وحسس اللبنانيين انو ملك ظالم وبدو يورِّث ولي عهدو ولو خربت البلاد، ووليّ عهدو صار حاكم وهوي صار خيال صحرا، وهيدا ولي عهدو قصة،

ظاهرة مرضية متلانة تعصُّب وجبر وقلة ضمير ونفاق وحدِّث ولا حرج كيف كل الصفات السلبية الكريهة إجتمعوا بمخلوق هميوني دكتاتوري ولد مغرور نزق سئيل وقح حرامي مفتن متعصب وكتير من الصفات الوسخة يلي بيستحقها.

وجعني راسي كتير لمن اجا ع فكري هالمخلوق العجيب المقرف كتير ومضي الليل وأنا فكّر لصارت الساعة ستة الفجر وصار يمضى الوقت وتعبت صرت بدّي نام، وما كنت أقدر نام قبل ما أعرف الجواب لسؤال حيّرني كتير ألا وهو: "شو أنسب وصف لهالكافر يلي خرب لبنان ووصلو للإفلاس ولشفير حرب أهلية مدمرة؟ شو هي الكلمة الوحدة يلي بتختصرو؟

قندلو عيوني وأنا فكر وحكّ راسي، لآخر الشي الله لهمني ووصلت لنتيجة مبهرة : الوصف الذي يليق به ولابسو لبس هوي، هوّي، هوّي، حدن حزر ؟! ما حدن؟! أمري ل الله رح قلكن لأنو تعبت ولازم نام بأمل إرجع ع وطن حقيقي خالي من الفاسدين الي أقل منو لأنو هوّي سكّر السكور، رح قلكم هيدي الكلمة اللمعة الي بيستحقها وإجتني بوحي من الله ودعولي على الإكتشاف المبهر:

الكلمة هي "الخسيس". فقط "الخسيس". 

ونقطة ع السطر

 

الإمضاء:

لبناني مغترب بيكره المراهق الفاسد

 

Share

Comments

There are no comments for this article yet. Be the first to comment now!

Add your comment